Iarratas a Chur Isteach

  • Tuarascáil Chreidmheasa

    Tá an ceart agat do thuarascáil chreidmheasa a iarraidh tráth ar bith saor ina aisce, faoi réir úsáid chothrom.

    Is é/(iad) d’iasachtóir(í) a chuireann an fhaisnéis atá i do thuarascáil chreidmheasa chuig an bPríomh-Chlár Creidmheasa. Ní chuirfidh iasachtóirí doiciméid fholuiteacha, foirmeacha, taifid nó aon doiciméadacht eile maidir le d’iasacht chuig an bPríomh-Chlár Creidmheasa. Is féidir leat doiciméid fholuiteacha a iarraidh go díreach ó d’iasachtóir.

    Iarratas a dhéanamh

  • Leasú Faisnéise

    Má tá do thuarascáil chreidmheasa faighte agat agus má chreideann tú go bhfuil faisnéis inti atá míchruinn nó neamhiomlán nó nach bhfuil sí cothrom le dáta, is féidir leat leasú ar an bhfaisnéis sin a iarraidh.

    Tabharfaimid freagra ort le nuashonrú nó le cinneadh laistigh de 20 lá, agus 40 lá is ea an uastréimhse chun freagra a thabhairt ar d’iarraidh.

    Iarratas a dhéanamh

  • Ráiteas Míniúcháin

    Is féidir leat ráiteas míniúcháin a chur ar do thuarascáil chreidmheasa chun tuilleadh faisnéise a thabhairt maidir le d’iasacht(aí).Beidh an ráiteas míniúcháin seo 200 focal ar a mhéad agus is gá go mbainfidh sí leatsa amháin nó leis an bhfaisnéis a bhaineann leatsa i do thuarascáil chreidmheasa.

    Is tusa údar agus foilsitheoir an ráitis seo. Beidh do ráiteas míniúcháin le feiceáil nuair a gheobhaidh iasachtóir, nó tú féin, nó duine eile dar thug tú toiliú, do thuarascáil chreidmheasa. Ní ghlacfaidh an Banc Ceannais aon fhreagracht as ábhar an ráitis seo.

    Iarratas a dhéanamh

  • Fógra Maidir le Pearsanú Amhrasta

    Is féidir leat fógra maidir le pearsanú amhrasta a chur le do thuarascáil chreidmheasa má chreideann tú go raibh nó go bhfuil pearsanú á dhéanamh ag aon duine ort nó go bhfuil aon duine ar tí pearsanú a dhéanamh ort agus beidh an fógra seo i do thuarascáil chreidmheasa ar feadh 90 lá.

    Iarratas a dhéanamh

Má tá tús curtha agat cheana féin le d’iarratas ar thuarascáil chreidmheasa, is féidir leat stádas an iarratais a sheiceáil ach cliceáil anseo. Mura féidir leat d’iarratas a chríochnú ar líne, tá rogha agat an córas poist a úsáid, ach seans go dtógfaidh sé níos mó ama an t-iarratas a phróiseáil.