Cad atá ar áireamh ar an bPríomh-Chlár Creidmheasa

Mínítear ar an leathanach seo cad atá ar áireamh ar an bPríomh-Chlár Creidmheasa. Clúdaítear na cineálacha iasachtaithe agus iasachtóirí, mar aon leis na cineálacha iasachtaí a bhíonn á dtaifeadadh. Cuideoidh an fhaisnéis seo leat tuiscint a fháil ar an gcaoi ina mbailítear agus ina mbainistítear do chuid sonraí creidmheasa.

Cineálacha Iasachtaithe

Tá cineálacha éagsúla iasachtaithe ar áireamh ar an bPríomh-Chlár Creidmheasa:

  • Daoine aonair agus Tomhaltóirí: Daoine a fhaigheann iasachtaí ar chúiseanna pearsanta.
  • Cuideachtaí: Eintitis chorparáideacha a fhaigheann iasachtaí.
  • Trádálaithe Aonair agus Comhpháirtíochtaí: Úinéirí gnó a bhíonn ag oibriú ar bhonn aonair nó i gcomhpháirtíocht.
  • Clubanna agus Cumainn: Eintitis eile a bheidh lonnaithe sa Stát an tráth a dhéanfar iarratas ar chreidmheas.
  • Ráthóirí: Ón 1 Feabhra 2025, cuirfear san áireamh ráthóirí a thugann ráthaíochtaí nó slánaíochtaí.

Cineálacha Iasachtóirí

Ar iasachtóirí, dá ngairtear Soláthraithe Faisnéise Creidmheasa, a mbíonn sonraí á gcur chuig an bPríomh-Chlár Creidmheasa acu, áirítear na dreamanna seo a leanas:

  • Bainc
  • Comhair Chreidmheasa
  • Tithe Maoinithe Sócmhainní
  • Údaráis Áitiúla
  • Soláthraithe Creidmheasa Ardchostais
  • Gnólachtaí a bhfuil leabhair iasachta faighte acu ó insititiúidí airgeadais Éireannacha
  • NAMA (an Ghníomhaireacht Náisiúnta um Bainistíocht Sócmhainní)

Cineálacha Iasachtaí atá ar áireamh

Déantar iasachtaí €500 nó níos mó a thaifeadadh ar an bPríomh-Chlár Creidmheasa, amhail: 

  • Morgáistí
  • Cártaí Creidmheasa
  • Rótharraingtí
  • Iasachtaí Pearsanta
  • Iasachtaí Gnó
  • Iasachtaí Údarás Áitiúil
  • Iasachtaí Soláthraithe Creidmheasa Ardchostais
  • Comhaontuithe Fruilcheannaigh
  • Pleananna Conartha Pearsanta (PCP)
  • Iasachtaí Maoinithe Sócmhainní

Áirítear iasachtaí sna cásanna seo a leanas:

  • Má tá cónaí ar an iasachtaí sa Stát an tráth a dhéanfaidh sé/sí iarratas ar an iasacht, nó 
  • Más rud é go bhfuil an comhaontú iasachta nó an t-iarratas ar iasacht á rialú ag dlí na hÉireann.