Faisnéis a Choinneáil
Déanfar faisnéis chreidmheasa a thaifeadadh go dtí go mbeidh cúig bliana d’fhaisnéis i do thuarascáil chreidmheasa.
Fad a bheidh iasacht fós gníomhach, áfach, (i.e. iasacht a bhfuil íocaíochtaí fós á ndéanamh ina leith nó a bhfuiltear ag súil leis go ndéanfar íocaíochtaí ina leith), ní bheidh le feiceáil ag iasachtóirí ach an dá bhliain is déanaí den fhaisnéis íocaíochta.
Nuair a bheidh iasacht tugtha chun críche (áit a mbeidh na híocaíochtaí go léir íoctha, nó an iasacht tugtha chun críche nó díscríofa ag an iasachtóir), déanfar an fhaisnéis a bhaint go hiomlán den tuarascáil chreidmheasa cúig bliana i ndiaidh na híocaíochta deiridh.
Coinneofar faisnéis phearsanta ar an bPríomh-Chlár Creidmheasa go ceann tréimhse cúig bliana ón dáta a nglanfar an iasacht deiridh.
Gach uair a gheobhaidh tusa nó iasachtóir ionchasach do thuarascáil chreidmheasa, cruthófar taifead, ar a dtugtar lorg, ar do thuarascáil chreidmheasa. Sa lorg sin, taifeadtar an dáta, ainm an iasachtóra, agus an chúis ar iarr an t-iasachtóir áirithe sin do thuarascáil chreidmheasa.
Taispeánfar an lorg sin ag bun na tuarascála agus fanfaidh sé ansin go ceann tréimhse cúig bliana tar éis don iasachtóir do thuarascáil chreidmheasa a iarraidh.
Déanfar na doiciméid aitheantais a chuirfidh tú ar fáil mar chuid de d’iarratas a choinneáil go ceann tréimhse cúig bliana.
Féach ar thuarascáil chreidmheasa shamplach.
Déan Iarratas ar do Thuarascáil Chreidmheasa.
Ní dhéanfaidh an Príomh-Chlár Creidmheasa an méid seo a leanas:
- cinneadh a ghlacadh i dtaobh iasacht a cheadú nó a dhiúltú - is é an t-iasachtóir a ghlacfaidh an cinneadh sin;
- tuarascálacha creidmheasa a scóráil nó a ghrádú.